Андреа Пирло 2005 йилги Чемпионлар лигаси финалидаги мағлубиятни энг аламлиси деб атади.
Ўша учрашувда "Милан" ва "Ливерпуль" тўқнаш келди. Танаффусдан сўнг инглизлар 0:3 ҳисобида мағлуб бўлишаётганди, аммо улар ҳисобни тенглаштиришди ва якунда пеналтилар сериясида ғалаба қозонишди.
- "Сени ўлдирмаган нарса сени кучли қилади" дейишади. Инсон ва футболчи сифатида қайси мағлубият сизга катта таъсир кўрсатди?
"2005 йилда Истанбулда бўлиб ўтган Чемпионлар лигаси финалидаги мағлубият менга энг катта таъсир кўрсатди. Бу биз деярли мукаммал ўйнаган ўйин бўлди, аммо у ҳали ҳам қабул қилиш қийин бўлган тарзда якунланди.
Ўша мағлубият алами жуда чуқур эди - нафақат натижа, балки биз чинакам буюк нарсага жуда яқин бўлганимиз учун ҳам", - деди Италия терма жамоасининг собиқ ярим ҳимоячиси.
