Италия терма жамоасининг собиқ бош мураббийи Роберто Манчини терма жамоадан кетганидан афсусда эканини тан олди.

"Вақтни орқага қайтариш имкони бўлганида, терма жамоадан кетмаган бўлардим. Бу қароримдан афсусдаман. Ўшанда кўп тушунмовчиликлар бўлган - агар президент билан кўпроқ мулоқот қилганимда, ҳаммаси бошқача бўлиши мумкин эди. Бу менинг хатоим. Ўйлаб қарасам, қолишим керак экан. Терма жамоа билан ишлаш - фаолиятдаги энг яхши ҳиссиётлардан бири, у билан ғалаба қозониш эса янада ўзгача," - дея Манчинининг сўзларини келтиради Tuttosport.

Манчини 2018 йилдан 2023 йилгача Италия терма жамоасини бошқарган. У терма жамоа билан Евро-2020да ғолиб чиқди.

Айни пайтда Италия терма жамоасини Лучано Спаллетти бошқармоқда.