Италиялик ҳужумчи Марио Балотелли собиқ жамоаси "Адана Демирспор"дан пул ундирди. Маълум бўлишича, уларнинг унча узоқ давом этмаган ҳамкорлиги натижасида турклар Балотеллидан уч миллион евро қарз бўлиб қолишган.
Тўланиши керак бўлган сумма учун Марио ФИФА ҳакамлик судига мурожаат қилди ва у "Адана"га клуб футболчидан қарздор бўлган барча маблағларни тўлаш мажбуриятини юклади. "Адана Демирспор" расмийлари ҳозирча вазиятга изоҳ бермаяпти.
Эслатиб ўтамиз, Балотелли сўнгги вақтларда Италияда А Серияда "Женоа" сафида тўп тепаётган эди.













