Испания терма жамоаси бош мураббийи Луис де ла Фуэнте Португалия терма жамоаси билан Миллатлар лигаси финал учрашуви олдидан ушбу турнир ҳақида юқори фикрларини билдирди. Учрашув бугун, 8 июнь куни бўлиб ўтади.
"Биз бошиданоқ бу кураш қанчалик қийин бўлишини тушунган эдик ва натижалар буни тасдиқлайди. Бундай кучли жамоалар билан ўйнаш ҳар куни эмас. Европанинг энг яхши бешта жамоасидан тўрттаси шу ерда. Бу турнир жуда жиддий, қийин ва нуфузли ва унинг қиймати вақт ўтиши билан ошади", - дея де ла Фуэнте сўзларини келтиради УEФА расмий сайти.
Учинчи ўрин учун ўйинда Германия ва Франция терма жамоалари тўқнаш келишади. Бу ўйин ҳам 8 июнь куни бўлиб ўтади.
