32 ёшли ҳимоячи Бен Дэвис "Тоттенхэм"да қолади. Клуб матбуот хизмати хабарига кўра, томонлар ҳамкорликни келаси йилнинг ўрталарига қадар узайтирган.
Тажрибали ҳимоячи пойтахтликлар сафида 2014 йилдан буён тўп тепмоқда. Ўтган мавсумда Бен "Тоттенхэм"нинг 28та ўйинида қатнашиб, гол ура олмаган.
Ўтган мавсумда лондонликлар Европа лигаси ғолибига айланиб, Чемпионлар лигасига йўлланма олди. Англия Премьер-лигасида “шпорлар” ёмон ҳаракат қилиб, 17-ўринни банд этди.













