Франция терма жамоаси Миллатлар лигасида учинчи ўринни эгаллади. Дидье Дешам шогирдлари нимчорак финалда Испанияга (4:5) имкониятни бой бериб, учинчи ўрин учун ўйинда Германияни мағлуб этишди (2:0). Франция терма жамоаси сардори, ҳужумчи Килиан Мбаппе "уч ранглилар"нинг ўйини ҳақида фикр билдирди.
"Биз лаҳзалар яратиш ва рақиблар учун вазиятни қийинлаштириш қобилиятини тиклай олдик. Икки учрашувда олтита гол уришга муваффақ бўлдик. Аммо ўйинимизда баъзи бўшлиқлар бўлди. Мана шу устида ишлашимиз керак. Бундай рақиблар билан ўйнаш яхши бўлди, чунки агар саралашдан ўтсак, улар билан жаҳон чемпионатида учрашишимиз мумкин", - деди Мбаппе RMC Sport билан суҳбатда.
Франция терма жамоаси навбатдаги ўйинини сентябрь ойида - ЖЧ-2026 саралашида Украинага қарши ўтказади.













