Fransiya terma jamoasi Millatlar ligasida uchinchi o‘rinni egalladi. Didye Desham shogirdlari nimchorak finalda Ispaniyaga (4:5) imkoniyatni boy berib, uchinchi o‘rin uchun o‘yinda Germaniyani mag‘lub etishdi (2:0). Fransiya terma jamoasi sardori, hujumchi Kilian Mbappe "uch ranglilar"ning o‘yini haqida fikr bildirdi.
"Biz lahzalar yaratish va raqiblar uchun vaziyatni qiyinlashtirish qobiliyatini tiklay oldik. Ikki uchrashuvda oltita gol urishga muvaffaq bo‘ldik. Ammo o‘yinimizda ba’zi bo‘shliqlar bo‘ldi. Mana shu ustida ishlashimiz kerak. Bunday raqiblar bilan o‘ynash yaxshi bo‘ldi, chunki agar saralashdan o‘tsak, ular bilan jahon chempionatida uchrashishimiz mumkin", - dedi Mbappe RMC Sport bilan suhbatda.
Fransiya terma jamoasi navbatdagi o‘yinini sentyabr oyida - JCH-2026 saralashida Ukrainaga qarshi o‘tkazadi.
