Франция терма жамоаси бош мураббийи Дидье Дешам жамоанинг июнь ойидаги йиғинига баҳо берди. Жамоа Миллатлар лигасида учинчи ўринни эгаллади.

"Ушбу йиғинни қандай баҳолайман? Ажойиб муносабат. Испанияга қарши ўйинда бор кучимизни тўплашни истардим. Бугун ҳамма ҳам бизнинг ихтиёримизда бўлмади. Лекин Германияни ўз майдонида мағлуб этиш ҳар доим ёқимли. Йиғинни ғалаба билан якунлаш муҳим", - деди Дешам журналистларга.

Эслатиб ўтамиз, Франция терма жамоаси Миллатлар лигасида учинчи ўрин учун ўйинда Германияни 2:0 ҳисобида мағлуб этганди. Аввалроқ Дешам шогирдлари ярим финалда Испанияга 4:5 ҳисобида имкониятни бой берганди. Франция терма жамоаси кейинги сафар сентябрь ойида йиғилади.