Лондоннинг "Арсенал" клуби ҳимоячиси Майлз Льюис-Скелли Англия топ-клуби билан ҳамкорликни узайтирмоқчи. Бу ҳақда Football Insider нашри хабар берди.
Манбага кўра, 18 ёшли футболчи "Реал" қизиқиш билдираётганига қарамай, фаолиятини "канонирлар" сафида давом эттиришга қарор қилган.
Ўтган мавсумда истеъдодли қанот ҳимоячиси Лондон жамоасининг 39 та ўйинида қатнашиб, битта гол ва иккита голли узатмани ўз ҳисобига ёздириб қўйди. Transfermarkt экспертлари унинг бозор нархини 45 миллион еврога баҳоламоқда.













