Каталониянинг "Барселона" клуби дарвозабони Марк-Андре тер Штеген Италия А Сериясининг топ-клубларидан бирига ўтиши мумкин. Sport нашри хабарига кўра, германиялик футболчига Майк Меньянга ўринбосар излаётган "Милан" қизиқиш билдирмоқда. Эслатиб ўтамиз, француз Лондоннинг "Челси" клубига ўтишга яқин турибди.
Тер Штеген "Барселона" мураббийлар штабининг режаларига кирмайди, шу боис раҳбарият ёзда яна 3 йиллик шартномаси қолган 33 ёшли посбонни сотиб юбормоқчи. Немиснинг ўзи жамоада қолишни истайди, аммо бу ҳолда у ўз позицияси учун учинчи танлов ролига рози бўлиши керак.
Тер Штеген Мануэль Нойер терма жамоадан кетганидан кейин Германия терма жамоасининг асосий дарвозабони ҳисобланади.
