Kataloniyaning "Barselona" klubi darvozaboni Mark-Andre ter Shtegen Italiya A Seriyasining top-klublaridan biriga o‘tishi mumkin. Sport nashri xabariga ko‘ra, germaniyalik futbolchiga Mayk Menyanga o‘rinbosar izlayotgan "Milan" qiziqish bildirmoqda. Eslatib o‘tamiz, fransuz Londonning "Chelsi" klubiga o‘tishga yaqin turibdi.
Ter Shtegen "Barselona" murabbiylar shtabining rejalariga kirmaydi, shu bois rahbariyat yozda yana 3 yillik shartnomasi qolgan 33 yoshli posbonni sotib yubormoqchi. Nemisning o‘zi jamoada qolishni istaydi, ammo bu holda u o‘z pozisiyasi uchun uchinchi tanlov roliga rozi bo‘lishi kerak.
Ter Shtegen Manuel Noyer terma jamoadan ketganidan keyin Germaniya terma jamoasining asosiy darvozaboni hisoblanadi.













