"Ливерпуль" вингери Луис Диас Испания топ-клубига ўтиш учун қўлидан келган барча ишни қилишда давом этмоқда. Mundo Deportivo хабарига кўра, колумбиялик футболчи Каталониянинг "Барселона" клубига ўтиш ғоясига муккасидан кетган.
Эслатиб ўтамиз, Луисга аввалроқ "Ливерпуль"нинг 60 миллион евролик молиявий талабларини қондиришга тайёр бўлган "Ан-Наср" қизиқиш билдираётган эди. Шундай бўлса-да, Диас фақат "Барселона"га ўтмоқчи. Шу билан бирга, каталонияликлар ҳозирча колумбиялик футболчининг трансфери учун пул ажрата олмаяпти.
Диас "Ливерпуль" сафида 2022 йилнинг январидан буён тўп тепиб келмоқда. Ўшандан бери футболчи инглиз жамоаси билан ички аренада барча мумкин бўлган совринларни қўлга киритди.













