Каталониянинг "Барселона" клуби қанот ҳимоячиси Жерар Мартин билан хайрлашишни истамаяпти. Sport нашри тарқатган хабарга кўра "кўк-анорранглилар" 12 миллион евродан юқори таклиф олган тақдирдагина футболчи билан хайрлашади.
23 ёшли чап қанот ҳимоячиси универсаллиги туфайли марказий ҳимояда ҳам ўйнай олади. Аввалроқ унинг хизматларига Испания Ла Лигасининг бошқа клублари ҳам қизиқиш билдирган эди.
Эслатиб ўтамиз, Мартин ўтган мавсум Испания чемпионатида 28 та ўйинда майдонга тушиб, 1 та гол ва 3 та ассистни ўз ҳисобига ёздириб қўйган.
