"Лилль" дарвозабони Люка Шевалье ёзда янги жамоага ўтиши мумкин. Le Parisien хабарига кўра, франциялик голкиперга Чемпионлар Лигаси ғолиби "ПСЖ," шунингдек, Англия Премьер-лигасининг икки топ-клуби - "Манчестер Сити" ва "Манчестер Юнайтед" қизиқиш билдирмоқда.
Манбанинг хабарига кўра, "Лилль" Шевалье билан шартномани узайтирмоқчи. Ёш посбоннинг эҳтимолий трансфер суммаси 70 миллион еврога баҳоланмоқда. Айнан шу сумма эвазига французлар 23 ёшли дарвозабонни қўйиб юборишга тайёр.
Эслатиб ўтамиз, ўтган мавсум якунларига кўра, Шевалье Франция чемпионатининг энг яхши 6 дарвозабони рўйхатига киритилган эди.
