Ўзбекистон миллий терма жамоаси бош мураббийи Тимур Кападзе Қатарга қарши учашув олдидан матбуот анжуманида иштирок этди.
— Барчани мундиал йўлланмаси билан табриклайман. Эртанги учрашувга тўлиқ тайёрмиз ва ғалаба қозониб, халқимизни хурсанд қилишга ҳаракат қиламиз.
Футболчиларнинг тайёргарлиги ҳақида:
— Футболда жароҳатлар тез-тез учраб туради. Жамоада кайфият жуда яхши. Тайёргарлик жараёни давом этмоқда, йигитлар яхши ҳолатда. Бугун расмий машғулотимиз ҳам бўлиб ўтади. Учрашув даражасини ҳис қилиб турибмиз. Футболда доимо кейинги ўйинга эътибор қаратиш зарур бўлади.
Қатар терма жамоасига қарши аввалги ўйинлар ҳақида:
— Осиё чемпионати ва Жаҳон чемпионати саралаш босқичида Қатарга қарши учрашувларда йигитлар яхши ўйин намойиш этдилар. Лекин омад биз томон бўлмади. Гуруҳдаги ҳар бир рақиб билан баҳс доимо қийин кечди. Биз эса ҳар жиҳатдан улардан кучли эканимизга ишонамиз.
