O‘zbekiston milliy terma jamoasi bosh murabbiyi Timur Kapadze Qatarga qarshi uchashuv oldidan matbuot anjumanida ishtirok etdi.
— Barchani mundial yo‘llanmasi bilan tabriklayman. Ertangi uchrashuvga to‘liq tayyormiz va g‘alaba qozonib, xalqimizni xursand qilishga harakat qilamiz.
Futbolchilarning tayyorgarligi haqida:
— Futbolda jarohatlar tez-tez uchrab turadi. Jamoada kayfiyat juda yaxshi. Tayyorgarlik jarayoni davom etmoqda, yigitlar yaxshi holatda. Bugun rasmiy mashg‘ulotimiz ham bo‘lib o‘tadi. Uchrashuv darajasini his qilib turibmiz. Futbolda doimo keyingi o‘yinga e’tibor qaratish zarur bo‘ladi.
Qatar terma jamoasiga qarshi avvalgi o‘yinlar haqida:
— Osiyo chempionati va Jahon chempionati saralash bosqichida Qatarga qarshi uchrashuvlarda yigitlar yaxshi o‘yin namoyish etdilar. Lekin omad biz tomon bo‘lmadi. Guruhdagi har bir raqib bilan bahs doimo qiyin kechdi. Biz esa har jihatdan ulardan kuchli ekanimizga ishonamiz.
