Клаудио Раньери Италия терма жамоаси бош мураббийи сифатида Спалеттининг ўрнини эгаллашга тайёр.
73 ёшли мутахассис Италия футбол федерасияси президенти Габриэле Гравинага ушбу лавозимни эгаллашга тайёрлиги ҳақида маълум қилди, дея хабар бермоқда журналист Николо Скира. Келишув ЖЧ-2026 якунигача ҳисоблаб чиқилади.
Кутилганидек, Раньери терма жамоадаги мураббийлик фаолиятини “Рома”да маслаҳатчи вазифаси билан уйғунлаштира олади. Рим клубининг ўзидан розилик олишгина қолади.
Душанба куни “скуадра адзурра” Лучано Спалетти бошчилигидаги сўнгги учрашувида Молдовани мағлуб этди (2:0). Жамоа навбатдаги ўйинини сентябрь ойи бошида ўтказади.
