"Манчестер Сити" "Челси" дарвозабони Маркус Беттинелли билан шартнома имзолади. Фабрисио Романонинг сўзларига кўра, 33 ёшли футболчи яқин келажакда "шаҳарликлар"га қўшилади. У Хосеп Гвардиола жамоаси билан клублар ўртасидаги жаҳон чемпионатига боради. Англиялик футболчи "Сити"нинг учинчи дарвозабони бўлади.
Маркус Беттинелли "Челси"га 2021 йилнинг ёзида "Фулхэм"дан текинга ўтган эди. Умуман олганда, дарвозабон "кўклар"нинг асосий таркибида фақат битта ўйин ўтказди.
Transfermarkt экспертлари футболчининг нархини 600 минг еврога баҳоламоқда.













