Португалия терма жамоаси Миллатлар лигасида ғолиб чиқди. Финал учрашувида “европалик бразилияликлар” Испаниядан кучлироқ эди – 2:2 ҳисобидаги дурангдан кейин пенальтилар сериясида 5:3.
Финалдан бир кун ўтиб Криштиану Роналду ижтимоий тармоққа сурат жойлади.
40 ёшли футболчининг ёнида унинг суюклиси Жоржина Родригес бор эди. Улар биргаликда кубокни ушлаб туришарди.
Хабар берганимиздек, Роналду Миллатлар лигасидаги ғалабани жуда эмоционал тарзда қабул қилди. Финал ҳуштаги янграгач, “Олтин тўп”нинг беш карра соҳиби ҳатто йиғлаб юборди. Криштиану Роналду яқин орада “Ан-Наср” билан шартномасини узайтирмоқчи.
