"Бавария" ёзда чап қанот ярим ҳимоячисини таклиф қилмоқчи. Журналист Флориан Плеттенбергнинг сўзларига кўра, Венсан Компани жамоаси икки номзоддан бирини танлаши керак. Номзодалар Бильбаонинг “Атлетик” клубидан Нико Уильямс ва “ПСЖ”дан Брэдли Барколья.
Қайд этиш керакки, Уильямснинг шартномасида 55 миллион евро атрофида сотиб олиш банди бор, бироқ агентлик ва футболчининг маоши ҳисобга олинса, келишув клубга жуда қимматга тушиши мумкин.
Барколья "ПСЖ"да барқарор ўйинчи эмас, шунинг учун Брэдлининг кетиши ҳақиқатда ҳам бўлиши мумкин. Манбанинг хабар беришича, “Бавария” ҳали устувор номзод борасида бир қарорга келмаган. Тез орада қарор қабул қилиниши керак.
