"Челси" ва "Милан" клублари дарвозабон Майк Меньяннинг трансфери бўйича музокараларни тўхтатди.
Инсайдер Фабрицио Романонинг хабар беришича, клублар 29 ёшли дарвозабоннинг трансфер нархи бўйича келиша олишмаган, чунки "Челси" "Клублар ўртасидаги жаҳон чемпионати солиғини" тўлашни хоҳламаяпти. Шу тариқа, клуб бўлажак турнир олдидан Меньянни сотиб олмайди.
Хабар қилинишича, "Челси"нинг мураббийлар штаби клуб ихтиёридаги дарвозабонлар – Жорже Петрович, Роберт Санчес, Филип Йоргенсен ва Майк Пендерсга тўлиқ ишонади.
Аввалроқ, "Челси"нинг Меньян бўйича охирги таклифи 18 миллион фунт стерлингни ташкил этгани маълум бўлган эди. "Милан" эса камида 20 миллион фунт стерлинг талаб қилган.













