Алексис Санчес Чили терма жамоаси жаҳон чемпионатига чиқа олмагани учун узр сўради.
Чили терма жамоаси ЖЧ-2026 саралашида Боливияга меҳмонда (0:2) мағлуб бўлди.
Шу тариқа, чилиликлар финал турнирига йўлланма олиш имкониятидан маҳрум бўлишди ва кетма-кет учинчи жаҳон чемпионатини ўтказиб юборишади.
"Бу жуда ачинарли, мен ўзимни ёмон ҳис қиляпман. Мен ҳеч қачон бундай нарсани бошдан кечирмаганман.
Биз одамлардан кечирим сўрашимиз керак. Биз ишлашда давом этишимиз керак.
Аллақачон ўзгаришлар бўлди, олтин авлод йўқолди, ёлғиз мен қолдим" - деди 36 ёшли Чили ва “Удинезе” ҳужумчиси ўйиндан сўнг.
