"Атлетик" вингери Нико Уильямс "Бавария" билан музокара ўтказмоқда. 22 ёшли испаниялик Мюнхенга кўчиб ўтишни тасаввур қила олишини маълум қилган. Яқинда томонлар янги учрашув ўтказди, бироқ ҳозирча келишув йўқ - муҳокамалар дастлабки босқичда. Журналист Флориан Плеттенбергнинг маълум қилишича, футболчи йилига 20 млн евро атрофида маош олмоқчи. Трансфер қиймати 60-65 млн еврони ташкил этади.
"Бавария" Нико Уильямс трансфери устида фаол ишламоқда, аммо муқобил вариант - "ПСЖ" вакили Брэдли Баркояни ҳам кўриб чиқмоқда. Айтганча, французни сотиб олиш жуда қийин бўлади, чунки Лига 1 гранди уни сотмоқчи эмас.
