Лиссабоннинг "Спортинг" клуби президенти Фредерик Варандаш ҳужумчи Виктор Дьёкерешнинг эҳтимолий трансфери билан боғлиқ вазиятга изоҳ берди.

"Агент билан учрашувда фақат битта келишув бор эди: биз шартномада кўрсатилган товон пулини талаб қилмаймиз. Ўшанда мен тўғридан-тўғри айтдим - бир йилдан кейин аниқ нарх қандай бўлишини билмайман. Бу 40, 60 ёки 80 миллион евро бўлиши мумкин, аммо шартномада кўрсатилган 100 миллионни сўрамаймиз. Биз босим ва оммавий манипуляцияларга тоқат қилмаймиз. 60 миллион евро ва 10 миллион евро бонуслар шарти билан тузилган битим бизни қониқтирмайди. Бундан ташқари, бугунги кунга қадар "Спортинг" Дьёкереш бўйича бирорта ҳам расмий таклиф олмаган," - дея "Спортинг" президентининг сўзларини келтиради Evening Standard.

Швециялик ҳужумчи Виктор Дьекереш Лиссабоннинг "Спортинг" клуби сафида ажойиб мавсум ўтказди ва клуб учун барча мусобақаларда 52 та ўйинда 54 та гол ва 13 та голли узатмани амалга оширди. Бундай натижа уни жорий мавсум оралиғидаги трансфер бозорида энг кўп муҳокама қилинаётган шахслардан бирига айлантирди.