Мадриднинг "Реал" клуби ярим ҳимоячиси Лука Модрич "Милан"га ўтишни якунлашга шошилмаяпти.
39 ёшли футболчи аллақачон "россонерилар" билан келишиб бўлган. Италия клуби чоршанба куни хорватиялик футболчини тиббий кўрикдан ўтказишни режалаштирган, бироқ футболчи "қаймоқранглилар" сафида ўйнашда давом этар экан, "Реал"га ҳурмат юзасидан трансферни якунлашни истамаяпти, деб ёзади журналист Маттео Моретто. Хавбек ҳали мадридликлар сафида клублар ўртасидаги жаҳон чемпионатида ўйнаши керак.
18 июнь куни "Реал" клублар ўртасидаги ЖЧ гуруҳ босқичи 1-турида "Ал-Ҳилол"га қарши баҳс олиб боради. Кейинчалик Хаби Алонсо жамоасига "Пачука" ва "Ред Булл Зальцбург" рақиблик қилади.
