"Барселона" хавбеки Пабло Торре клуб билан шартномани узайтириши мумкин. Испаниялик футболчи ўтган мавсумда деярли майдонга тушмаган, бироқ Ханс-Дитер Флик уни техник ва тактик жиҳатдан иқтидорли футболчи деб ҳисоблайди. Торренинг ягона муаммоси - "Барселона"да унинг позициясида жуда кўп футболчи бор.
Журналист Габриэль Санснинг ёзишича, "кўк-анорранглилар" 22 ёшли ярим ҳимоячи билан шартномани узайтирмоқчи, шундан сўнг уни ижарага беришлари ёки биринчи навбатда сотиб олиш ҳуқуқи билан сотишлари мумкин. "Расинг" тарбияланувчиси "Барса"да қолиши ва таркибдаги ўрни учун курашни давом эттириши ҳам эҳтимолдан холи эмас.
Пабло Торре ўтган мавсумда 14 та баҳсда 4 та гол ва 3 та голли узатмани амалга оширди. Transfermarkt экспертлари футболчининг нархини 6 млн еврога баҳоламоқда.
