Марказий ҳимоячи Клеман Лангле "Барселона"ни тарк этиб, Мадриднинг "Атлетико" клубига ўтди.
29 ёшли футболчи "матрасчилар"га эркин агент сифатида келиб қўшилди. Мадридга якуний кўчиб ўтишдан олдин француз ўзаро келишувга кўра "Барса" билан шартномани бекор қилгани маълум. Diario Sport хабарига кўра, ҳамкорликни муддатидан олдин тўхтатгани учун Каталония клуби Ленглега тахминан 1,5 млн евро тўлаган - футболчи шартномасининг қолган икки йили давомида тахминан 32 млн евро ишлаб олиши кераклигини ҳисобга олсак, бу анча фойдали келишув.
Клеман Ленгле 2018 йил ёзидан буён "Барселона"га тегишли эди. Марказ ҳимоячиси ўтган мавсум "Атлетико" сафида ижара асосида тўп тепган эди.
