"Ювентус" ўз сафида чап қанот ҳимоячиси Андреа Камбьясони сақлаб қолмоқчи.
Қишда италиялик футболчи "Манчестер Сити"нинг трансфер мақсадларидан бири сифатида тилга олинган эди, аммо трансфер амалга ошмади. Мавсум якунланганидан сўнг, "кекса синьора"нинг собиқ устози Массимилиано Аллегри бошчилигидаги "Милан"нинг латералга қизиқиши ҳақида миш-мишлар пайдо бўлди.
Журналист Николо Скиранинг ёзишича, "Ювентус"нинг Камбьязо бўйича режалари жуда аниқ: клуб 25 ёшли футболчи билан бозорда унга бўлган талаб қандай бўлишидан қатъи назар, хайрлашмоқчи эмас. Қолаверса, ҳимоячига 2030 йилгача мўлжалланган янги шартнома таклиф қилинади.
