"Ювентус" хавбеки Уэстон Маккенни тез орада клуб билан янги шартнома имзолайди.
Томонлар аввалги техник директор Кристиано Жунтоли даврида ҳам келишувга яқин эди, аммо клуб музокараларни музлатиб қўйди. Энди келишувни янги бош директор Дамьен Комолли якунлашга тайёр, дейди журналист Николо Скира. 26 ёшли футболчининг шартномаси 2028 йилгача мўлжалланган бўлиб, унинг маоши йилига 3,3 млн евро атрофида бўлади.
Уэстон Маккенни ўтган мавсумда туринликлар сафида 44 та учрашувда бешта гол ва тўртта ассист муаллифи бўлди. Футболчининг амалдаги шартномаси 2026 йилда ўз ниҳоясига етади.













