"Барселона" ҳужумнинг чап қанотини кучайтириш устида ишлашда давом этмоқда. Клуб Рафинья Диасга рақобат қила оладиган футболчи трансфери учун пул сарфлашга тайёр.

Машҳур Marca нашри ўтказган сўровнома натижаларига кўра, "кўк-анорранглилар" мухлислари жамоада "Ливерпуль" вакили Луис Диасни кўришни афзал кўришмоқда - унга 39 фоиз овоз берилган. Иккинчи энг машҳур вариант "чап қанот вингери билан шартнома имзоламаслик" бўлди - 23%. Сўралганларнинг 16 фоизи Рафаэль Леау ("Милан") ни танлаган бўлса, яна 14 фоиз одам Маркус Рэшфорд ("Манчестер Юнайтед") ни афзал кўрган. Рейтингда яна 36 ёшли Иван Перишич (ПСВ) жойлашди - 8%.