Англиянинг "Борнмут" клубидан Украина терма жамоаси ҳимоячиси Илья Забарний Франциянинг "ПСЖ" клуби билан келишувга эришди. Томонлар шахсий шартнома шартларини келишиб олдилар, дейди ижтимоий тармоқларда инсайдер Николо Скира.
Журналистнинг сўзларига кўра, Забарний парижликлар билан 2030 йилгача мўлжалланган узоқ муддатли шартнома имзолашга яқин турибди. 22 ёшли украиналик футболчининг трансфер нархи 40 миллион еврога баҳоланмоқда.
Ўтган мавсумда Илья "Борнмут"нинг Англия Премьер-лигаси доирасидаги 36 та ўйинида иштирок этди. Ҳимоячи голли узатма амалга оширди, тўртта сариқ карточка олди ва бир марта майдондан четлатилди.
