Ҳимоячи Николас Тальяфико ёзда "Лион"ни тарк этишга қарор қилди, деб хабар берди X ижтимоий тармоғида журналист Бен Якобс. Француз клуби 32 ёшли аргентиналикни шартномани узайтиришга кўндирмоқчи, аммо футболчи жамоасини ўзгартирмоқчи.
Манбага кўра, Аргентина терма жамоаси аъзосига Англиянинг бир қатор клублари қизиқиш билдирмоқда.
Тальяфико 2022 йилдан бери "Лион"да ўйнамоқда. Унинг амалдаги шартномаси 2025 йилнинг 30 июнига қадар имзоланган. Transfermarkt портали футболчининг нархини 6 миллион еврога баҳоламоқда.













