"Аталанта" ярим ҳимоячиси Эдерсон Италиянинг бошқа жамоасига ўтиши мумкин, дея хабар бермоқда инсайдер Жанлука ди Марцио.
Манбага кўра, бразилиялик хавбекни жамоанинг ўрта чизиғини кучайтириш ҳаракатида бўлган Туриннинг "Ювентус" клуби ўз сафига қўшиб олмоқчи. 25 ёшли Эдерсон ўтган мавсум Италия чемпионатида 37та ўйинда майдонга тушиб, 4та гол урган ва шунча голга ҳаммуаллифлик қилган.
Ярим ҳимоячи 2022 йилнинг ёзидан бери "Аталанта" шарафини ҳимоя қилмоқда. Эдерсоннинг бергамоликлар билан амалдаги шартномаси 2027 йил июнь ойи охирида тугайди. Transferмаркт портали футболчининг бозор нархини 50 миллион еврога баҳоламоқда.
