Каталониянинг "Барселона" клуби жамоа бош мураббийи Ханс-Дитер Фликнинг режаларидан ўрин олмаган 4 нафар футболчи билан хайрлашишни режалаштирмоқда. Бу ҳақда Sport.es журналистлари хабар бермоқда.
Манбага кўра, чиқиш учун рўйхатда Ансу Фати, Пау Виктор, Пабло Торре ва Иньяки Пенья бор. Номлари тилга олинган футболчилар аллақачон Каталония клубидан хабарнома олишган ва ўзларига янги клуб излашади.
Эслатиб ўтамиз, ўтган мавсум якунларига кўра "Барселона" Испания чемпионига айланган эди. Шунингдек, Ханс-Дитер Флик шогирдлари финал баҳсида Мадриднинг "Реал" клубини мағлуб этиб, Қирол кубоги ғолибига айланди.
