Kataloniyaning "Barselona" klubi jamoa bosh murabbiyi Xans-Diter Flikning rejalaridan o‘rin olmagan 4 nafar futbolchi bilan xayrlashishni rejalashtirmoqda. Bu haqda Sport.es jurnalistlari xabar bermoqda.
Manbaga ko‘ra, chiqish uchun ro‘yxatda Ansu Fati, Pau Viktor, Pablo Torre va Inyaki Penya bor. Nomlari tilga olingan futbolchilar allaqachon Kataloniya klubidan xabarnoma olishgan va o‘zlariga yangi klub izlashadi.
Eslatib o‘tamiz, o‘tgan mavsum yakunlariga ko‘ra "Barselona" Ispaniya chempioniga aylangan edi. Shuningdek, Xans-Diter Flik shogirdlari final bahsida Madridning "Real" klubini mag‘lub etib, Qirol kubogi g‘olibiga aylandi.
