"Ливерпуль" "Ньюкасл" вингери Энтони Гордонни сотиб олишга жиддий қизиқиб қолди.
The Sun нашри тарқатган хабарга кўра мерсисайдликлар 24 ёшли инглизни ёзги трансферлар даврида асосий мақсад сифатида кўришмоқда. Манбага кўра, "Ливерпуль" футболчи учун 100 миллион фунтгача тўлашга тайёр. Дастлаб клуб "ПСЖ" вакили Брэдли Барколяни нишонга олганди, аммо парижликлар футболчи бўйича таклифларни кўриб чиқишдан бош тортди ва инглиз клуби ўз йўналишини ўзгартиришга мажбур бўлди.
Гордонга бўлган қизиқишнинг сабабларидан бири, шунингдек, ёзда "Энфилд"ни тарк этиши мумкин бўлган Луис Диаснинг келажаги ҳақидаги ноаниқлик.
