"Liverpul" "Nyukasl" vingeri Entoni Gordonni sotib olishga jiddiy qiziqib qoldi.
The Sun nashri tarqatgan xabarga ko‘ra mersisaydliklar 24 yoshli inglizni yozgi transferlar davrida asosiy maqsad sifatida ko‘rishmoqda. Manbaga ko‘ra, "Liverpul" futbolchi uchun 100 million funtgacha to‘lashga tayyor. Dastlab klub "PSJ" vakili Bredli Barkolyani nishonga olgandi, ammo parijliklar futbolchi bo‘yicha takliflarni ko‘rib chiqishdan bosh tortdi va ingliz klubi o‘z yo‘nalishini o‘zgartirishga majbur bo‘ldi.
Gordonga bo‘lgan qiziqishning sabablaridan biri, shuningdek, yozda "Enfild"ni tark etishi mumkin bo‘lgan Luis Diasning kelajagi haqidagi noaniqlik.
