Ёзда Мадриднинг "Реал" клубини қабул қилиб олган испаниялик мутахассис Хаби Алонсо "қироллик клуби"даги илк кунлари ҳақида гапирди.
"Дастлабки кунларда ҳаммаси жуда ижобий эди. Аста-секин жамоа футболчилари билан танишяпман, керакли алоқаларни ўрнатяпман. Тезлаштирилган режимда ҳаракат қилиш керак, чунки тез орада клублар ўртасидаги жаҳон чемпионатини бошлаймиз. Танишиб олишга вақтимиз жуда кам," - дея бош мураббийнинг сўзларини келтиради Madrid Universal.
Эслатиб ўтамиз, клублар ўртасидаги жаҳон чемпионати - 2025 гуруҳ босқичида "қироллик клуби"га "Ред Булл Зальцбург," "Пачука" ва "Ал-Ҳилол" рақиблик қилади.
