"Барселона" марказий ҳимоячиси Рональд Араухо ёзги трансферлар даврида сотиб юборилиши мумкин.
Январь ойида уругвайлик "кўк-анорранглилар" билан 2031 йилгача мўлжалланган янги узоқ муддатли шартнома имзолади, аммо бу футболчи жамоада узоқ вақт қолади дегани эмас. Журналист Ашраф Бен Аяднинг маълум қилишича, "Барселона" бемалол Араухо билан хайрлашиши мумкин. Каталония гранди раҳбарияти молиявий жиҳатдан фойдали деб ҳисоблаган таклифларни кўриб чиқади.
Рональд Араухо ўтган мавсум Ханс-Дитер Флик жамоаси сафида 25 та ўйинда майдонга тушиб, 2 тадан гол ва ассист қайд этган. Transfermarkt порталида 25 ёшли футболчининг тахминий нархи - 35 млн евро.
