"Бавария" бош мураббийи Венсан Компани клублар ўртасидаги жаҳон чемпионати доирасидаги "Окленд Сити"га (10:0) қарши ўйинда Лерой Санени майдонга туширмаслик қарорига изоҳ берди.
Эслатиб ўтамиз, 12 июнь куни вингер "Галатасарой"га ўтишга келишиб олгани маълум бўлганди. Компанининг сўзларига кўра, Сане жамоага бошқалардан кечроқ қўшилган.
"У жамоага бошқалардан кейинроқ қўшилди, лекин ишончим комилки, у ҳали ҳам биз учун муҳим роль ўйнайди. Умид қиламанки, у қолган учта ўйинни юқори савияда ўтказади, кейин эса, эҳтимол, усиз давом этамиз," - дея мураббийнинг сўзларини келтиради Bayern & Germany.
