"ПСЖ" ҳимоячиси Маркиньос клублар ўртасидаги жаҳон чемпионати - 2025 мусобақасини муваффақиятли бошлаган жамоа бош мураббийи Луис Энрике ҳақида фикр билдирди.
Дастлабки ўйинда парижликлар Испаниянинг "Атлетико" жамоасини йирик 4:0 ҳисобида мағлубиятга учратди.
"Энрике ҳар доим бизни рағбатлантиради, ҳатто ҳаммаси жуда яхши кетаётган бўлса ҳам. У жамоани рағбатлантиришни жуда яхши билади. Биз ишнинг барча динамикасига риоя қиламиз. Жамоа қандай машғулот ўтказиш, қандай ўйнаш кераклигини жуда яхши билади," - дея бразилиялик футболчининг сўзларини келтиради AS.
Клублар ўртасидаги жаҳон чемпионатининг навбатдаги баҳсида Париж гранди Бразилиянинг "Ботафого" клубига қарши майдонга тушади.
