"Борнмут"нинг қанот ҳимоячиси Милош Керкез "Ливерпуль"га ўтди. Бу ҳақда инсайдер Николо Скира хабар бермоқда.
Манбага кўра, томонлар келишувларни тўлиқ ёпган. Таъкидланишича, 21 ёшли венгриялик футболчи "Ливерпуль" билан 2030 йилгача мўлжалланган меҳнат шартномасини имзолаган.
Журналист берган маълумотга кўра, Керкез "Ливерпуль"га ўтиш учун бошқа клубларнинг учта таклифини рад этган.
Ҳимоячи Англия Премьер-лигасининг ўтган мавсумида 38та ўйинда майдонга тушиб, 2та гол урди ва 6та ассистни ўз ҳисобига ёздириб қўйди.













