Дарвин Нуньес клубини ўзгартиришга яқин турибди.
Corriere dello Sport нашри тарқатган хабарга кўра "Ливерпуль" ҳужумчиси ўтган мавсумдаги ҳолат такрорланишини истамаяпти ва асосий таркиб футболчиси мақомини қўлга кирита оладиган жамоа қидирмоқда. Манбага кўра, 25 ёшли уругвайлик учун курашда фаворит "Наполи" бўлиб қолмоқда, у ерда Антонио Конте бошчилигидаги лойиҳа кучли ҳужум марказини талаб қилади. Клуб футболчининг атрофидагилар билан мунтазам алоқада бўлиб, рақобатчиларни ортда қолдиришга ҳаракат қилмоқда - "Милан" ҳам ўз қизиқишини яширмаяпти.
Ўтган мавсумда у АПЛда 30та ўйинда майдонга тушиб, атиги бешта гол урди. Қизиғи шундаки, аввалроқ Нуньесни Саудия Арабистонининг "Ан-Наср" клуби ўз сафига қўшиб олишга уриниб кўрган, аммо муваффақиятсизликка учраганди. Футболчи Европадан ташқарига кўчиб ўтиш ҳақида ўйламаяпти.
