"Реал Мадрид" бош мураббийи Хаби Алонсо ҳужумчи Винисиус Жуниор ҳақида ўз фикрлари билан ўртоқлашди.
Клублар ўртасидаги жаҳон чемпионати гуруҳ босқичининг 1-тури доирасида чоршанба куни бўлиб ўтадиган "Ал-Ҳилол"га қарши ўйин олдидан матбуот анжуманида журналистлар испаниялик мураббийдан бразилиялик футболчи ҳақида гапиришни сўрашди.
"Мен Винисиусни ўйинчи ва шахс сифатида у билан ўн сония учрашганимдан сўнг тушундим. Унинг юраги улкан, у жуда ҳиссиётли ва иштиёқли инсон", - деб жавоб берди Алонсо.
"Реал" - "Ал-Ҳилол" учрашуви Тошкент вақти билан 23:59да бошланади. Учрашув "қаймоқранглилар"нинг янги бош мураббийи учун ҳозирги лавозимдаги дебюти бўлади.
