"Real Madrid" bosh murabbiyi Xabi Alonso hujumchi Vinisius Junior haqida o‘z fikrlari bilan o‘rtoqlashdi.
Klublar o‘rtasidagi jahon chempionati guruh bosqichining 1-turi doirasida chorshanba kuni bo‘lib o‘tadigan "Al-Hilol"ga qarshi o‘yin oldidan matbuot anjumanida jurnalistlar ispaniyalik murabbiydan braziliyalik futbolchi haqida gapirishni so‘rashdi.
"Men Vinisiusni o‘yinchi va shaxs sifatida u bilan o‘n soniya uchrashganimdan so‘ng tushundim. Uning yuragi ulkan, u juda hissiyotli va ishtiyoqli inson", - deb javob berdi Alonso.
"Real" - "Al-Hilol" uchrashuvi Toshkent vaqti bilan 23:59da boshlanadi. Uchrashuv "qaymoqranglilar"ning yangi bosh murabbiyi uchun hozirgi lavozimdagi debyuti bo‘ladi.
