"Манчестер Сити" бош мураббийи Хосеп Гвардиола янги ёрдамчиси Пепейн Лейндерс ҳақидаги саволга жавоб берар экан, Юрген Клопп билан суҳбатини ёдга олди.

Клоппнинг "Ливерпуль"даги собиқ ёрдамчиси яқинда испаниялик мураббийлар штабини тўлдирди.

"Биз Юрген билан гаплашдик, лекин Пеп Лейндерс ҳақида эмас. Бу узоқ давом этган суҳбат эди ва бир пайт мен ундан у ҳақида нима деб ўйлашини сўрадим - фикр-мулоҳазалар ҳаяжонли эди. Пеп - "Ливерпуль"нинг энг муваффақиятли даврларидан бирида Клоппнинг ўнг қўли. Кейин шахсан Лейндерсга мурожаат қилдим, албатта, аввал Юргендан рухсат сўрадим. У бизга қўшилганидан хурсандман. Ҳар куни ундан янги нарсаларни ўрганаман, биз тактика ҳақида кўп гаплашамиз," - дея Гвардиоланинг сўзларини келтиради City Report.