Мадриднинг "Реал" клуби ўнг қанот ҳимоячиси Лукас Васкес тез орада эркин агентга айланади. Футболчининг "қаймоқранглилар" билан шартномаси клублар ўртасидаги жаҳон чемпионати якунланганидан сўнг якунига етади. Журналист Яғиз Сабунчўғлининг маълум қилишича, Туркиянинг "Фенербахче" клуби испан бўйича сўров билан чиққан. Аввалроқ, 33 ёшли футболчига даъвогарлар орасида Саудия Арабистони чемпионати вакиллари ҳам тилга олинган эди.
Лукас Васкес деярли бутун фаолияти давомида "Реал" шарафини ҳимоя қилиб келади - у мадридликлар сафида 400 та ўйин ўтказган, шу жумладан, 2024/25 йилги мавсумда 51 та ўйин ўтказган. Июль ойи бошида ўтмишда вингер сифатида ўйнаган қанот футболчиси 34 ёшга тўлади.
