«Ливерпуль» клуби ҳимоячиси Эндрю Робертсон Мадриднинг «Атлетико» жамоасига ўтиши учун дастлабки розилигини билдирди. 31 ёшли шотландиялик футболчи Европа топ-клубларидан бирида фаолиятини давом эттиришга қизиқиш билдирмоқда ва Чемпионлар лигасида иштирок этиш ниятида.
Венгриялик Милош Керкезнинг «Ливерпуль»га келиб қўшилиши ортидан асосий таркиб учун рақобат кучайди. Шу боис Робертсон жамоасини ўзгартириш масаласини кўриб чиқмоқда.
Унинг «Ливерпуль» билан амалдаги шартномаси 2026 йил ёзигача мўлжалланган. Ўтган мавсум Робертсон барча мусобақаларда жами 45 та учрашувда майдонга тушиб, икки марта ассистентлик қилди.













