"Ливерпуль" дарвозабони Витеслав Ярош фаолиятини Нидерландиянинг "Аякс" клубида ижара асосида давом эттиради.
Томонлар мавсум-2025/26 якунига қадар мўлжалланган келишувни имзолади. Бу ҳақда амстердамликлар расмий сайти хабар тарқатди. Эредивизияга йўл олишдан олдин 23 ёшли дарвозабон "Ливерпуль" билан янги узоқ муддатли шартнома имзолади ва клуб келажакда футболчини ўз тизимида сақлаб қолиш ниятини тасдиқлади.
2023/24 йилги мавсумнинг иккинчи ярмида чехиялик дарвозабон Австриянинг "Штурм" жамоасида ўйнади ва у ерда 21 та ўйин ўтказиб, етти марта дарвозани дахлсиз сақлаб қолди ва 20 та гол ўтказиб юборди.
