Тез орада "Арсенал" чап қанот ҳимоячиси Майлз Льюис-Скелли билан шартномани узайтирганини эълон қилиши кутилмоқда. CharlesWatts.Football хабарига кўра, 18 ёшли футболчи аллақачон ўз клуби билан узоқ муддатли меҳнат шартномасини келишиб олган.

Льюис-Скелли 2024/2025 йилги мавсумнинг ҳақиқий кашфиёти бўлди. Ҳимоячи "канонирлар"нинг асосий жамоаси сафида 39 та ўйинда майдонга тушиб, ўз ҳисобига битта гол ва шерикларига иккита голли узатма ёздириб қўйган. Март ойида у Англия терма жамоаси сафида дебют қилди.

Эслатиб ўтамиз, "Арсенал" ўтган Англия чемпионатини турнир жадвалида 2-ўринда якунлаган эди.